NAGA CITY- Tahimik at wala pang naitatalang Election Related Incidents sa lalawigan ng Camarines Sur ayon sa Commission on Elections (COMELEC).
Ito ang kinumpirma sa Brigada News FM Naga ni Atty. Niel Canicula, Election Officer ng Probinsya matapos ang ika-apat na Regional Joint Security Control Center Coordinating Conference na ginawa sa Legazpi City nitong nagdaang araw Abril 20.
Batid naman ng COMELEC ang ingay sa palitan ng mga komento sa social media ng kanya-kanyang mga facebook accounts at pages ng mga kandidato, sa panig aniya nila anuman ang mga isyu sa mga kandidato susunod lamang sila sa mga desisyon ng COMELEC en banc.
Samantala, nagpapatuloy ang paghahanda ng tanggapan sa 2022 Elections, may final testing and sealing sa mga vote counting machines sa Mayo 3-4, 2022.
