LEGAZPI CITY – Isinagawa ng Municipal Disaster Risk Reduction and Management Council (MDRRMC) ng Camalig ang kanilang full council meeting para sa unang kwarter ng taong 2023 sa Camalig Municipal Hall na pinangunahan ni Mayor Caloy Baldo kasama ang mga personahe ng opisina.
Kasama sa mga tinalakay ay ang pag-activate ng MDRRMC Emergency Operation Center noong 2022, pagsubaybay sa kondisyon ng panahon, at ang alert status ng Bulkang Mayon.
Maliban pa rito, patuloy ang ginagawang geo-tagging at validation ng mga kritikal na mapagkukunan at assessment sa Population At Risk.
Bukod dito, bilang bahagi ng kanilang responsibilidad na magbigay ng tulong at asistensya kapag may mga kalamidad, ang MDRRMC ay nagtataguyod ng epektibong pagpapatupad ng mga programa sa pamamagitan ng estratehikong paraan sa pag-iwas sa mga hindi inaasahang pangyayari kung may kalamidad.
Ang LGU nito ay patuloy na nagbibigay ng tulong sa pag-iingat at pagsasagawa ng mga praktikal na hakbang upang mapanatili ang layunin nitong zero-casualty, at mapabilis ang pagpapatuloy ng normal na operasyon.
