Arestado ang isa ka call center agent matapos ginserbihan sang warrant of arrest sang mga kapulisan sa DPWH Compound, Kilometer 1, Roxas City, Capiz.
Ginkilala ang akusado kay Gretchen Dolor Eborde, 30-anyos, residente sang Brgy. Capagao, sa banwa sang Panitan.
Nagapangatubang sang kaso nga Qualified Theft si Eborde.
Ang warrant of arrest ang gin-isyu kag ginpermahan ni Judge Kristine B. Tiangco Vinculado, Presiding Judge, RTC, Branch 16, Roxas City napetsahan Agosto 31, 2023.
Ginrekomendar sang korte ang piyansa nga P40,000 para sa iya temporaryo nga kahilwayan.
Sa karon, nagapabilin sa kustodiya sang CIDG Capiz si Eborde kag natalana nga i-turn over sa court of origin. | Judy Ann Juare
