Boluntaryo nga nagsungka sa mga kapulisan ang anay miyembro sang rebelde nga grupo nga Communist Terrorist Group (CTG) sa Poblacion, Tapaz, Capiz.
Sandig sa Tapaz Municipal Police Station, ang wala na ginhingadlan nga anay rebelde ang residente sang Brgy. Roosevelt sa nasambit nga banwa kag aktibo nga miyembro sa idalom sang Batong Platoon, CFC, KR-Panay sa pagpamuno ni Francisco Baloise Alyas Ka Tonying.
Nagapangatubang man ini sang kaso nga Rebellion kag ang warrant of arrest ang gin-isyu kag ginpermahan ni Judge Daniel Antonio Gerardo S Amular, RTC, 6th Judicial Region, Branch 21, Mambusao, Capiz napetsahan Oktubre 2, 2014.
Ginrekomendar sang korte ang piyansa nga P40,000 para sa iya temporaryo nga kahilwayan.
Kadungan sang iya pagsungka, ginsurrender man sini ang isa ka unit sang cartridge 40mm explosive kasunod sang pagkamuklat sini sa kamatuoran nga pagpatalang sa iya sang amu nga grupo.
Gin-updan sang mga katapo sang PNP kag AFP ang nagsungka nga anay rebelde sa talatapan ni Mayor Roberto Palomar para ipresenta sa alkalde. | Judy Ann Juare
