Nidangop sa buhatan sa kapulisan ang 28-anyos nga babayeng call center agent human gilabnihan sa iyang bag samtang naglakaw paingon sa iyang gitrabahoan,pasado ala 1 sa kadlawon,Huwebes,Agosto 19,didto sa Brgy. Bantayan,Dumaguete City.
Ang biktima giila sa kapolisan nga si Cherry Mae Contratista, minyo, nagpuyo sa Masagca Compound, Rovira Drive,sa nasangpit nga barangay. Samtang ang suspek usa ka lalaki nga nagsakay og motorsiklo, nagsul-ob og itom nga jacket, wala mag-helmet ug gibanabanang anaa sa 30 anyos ang pangedaron.
Base sa impormasyon nga natala sa Dumaguete City Police Station,paingon na unta mo-duty ang biktima ug pag-abot niini sa gate sa Qualfon kalit lang gilabni sa suspetsado ang iyang bag nga adunay sulod nga P10,000 nga kwarta, Samsung A51 nga cellphone, ATM cards ug uban pa.
Giimbistigahan na sa kapulisan nga sakop sa theft and robbery section ang maong insedente.///Ariel Morro Amistoso
