MITUNGTONG na sa 651,429 katao sa Soccsksargen region ang nakadawat na og bakuna kontra Covid-19. Base sa datus sa Department of Health (DOH) 12 ang ilang rekord ang gikan Marso sa pagsugod sa vaccination roll-out hangtud karong bulan.
Human nakadawat ang rehiyon og naa sa 701,354 nagkadaiyang brand sa bakuna asa naa sa 92.88% ang nagamit na. Sa datus sa ahensiya, naa sa 92.71% o 72,883 A1 priority group ang nakadawat sa unang dose sa bakuna gikan sa 78,612 nga target.
Samtang naa sa 76.24% o 59,934 sa maong priority group ang naka-kumpleto na sa doses sa bakuna. Naa usab sa 27. 60% o 89,910 A2 priority group o senior citizens ang nakadawat unang dose gikan sa punting nga 325,812. Mokabat usab sa 32.13% o 104,676 senior citizens sa tibuok rehiyon ang ‘fully vaccinated’ na gikan sa 18,489 nga target.
Nakakuha na sa unang dose sa bakuna sa General Santos City ang 71.88% o 13, 290 ka A3 o person’s with comorbidities samtang 85.43% o 15,795 ang naka-kumpleto na sa pagpabakuna.
Nakadawat na usab sa unang dose sa bakuna ang 21,786 economic frontline sa GenSan samtang 237 ang fully vaccinated gikan sa punting nga 20,269. Gikangkon ni Dr. Edvir Jane Montañer, immunization manager sa DOH-12 nga wala pa ang ihap sa 80% nga herd immunity. Apan naglaom nga mawala ang kahadlok sa kadaghanan partikular na sa senior citizen sa bakuna ug hunahunaon nga proteksyon kini sa batok sa Covid-19. (Richel Gubalani)
Photo: Rommel Rebollido
