ALL-SET na ang Bulaong terminal alang sa gilaomang pagdagsa sa mga mananakay alang sa umaabot nga Semana Santa.
Gibutyag ni Reymond Amon Ledesma ang Bulaong Terminal Administrator nga laoman matud pa ang pagtaas sa porsyento nga mubiyahe panahon sa Kwaresma sugod gitangtang ang mga restrictions tungod sa COVID-19 pandemic.
Kabahin sa seguridad, gibutyag ni Ledesma nga nakaandam na ang mga sakop sa JTF, PNP ug mga K9 units alang sa pagpahigayonog inspeksyon sa mga bagahe ug alang sa kahapsay sa maong lugar aron masigurong walay mga kakulian ang mahitabo. Aktibo usab ang 16 ka mga CCTV cameras sa basinidad sa terminal aron imonitor ang palibot.
Gibana-banaang mukabat sa kapin 80% o posibleng muabot sa 100% ang pagtaas sa ihap sa mga nanakay base sa obserbasyon nga gihimo kaniadtong panahon sa kapaskuhan ug bagong tuig. Samtang pipila usab ka mga pasahero ang planong mubiyahe padulong sa mga nagkadaiyang probinsya ang dili pa muabot ang Semana Santa tungod nagtuo silang sa maong panahon mudagsa ug mag-unahay ang mga pasahero. Samtang sa bahin sa kapulisan gibutyag ni PCpt. Bienvenido Venus, Jr. ang deputy station commander sa Pendatun police station kinsa sakop niini ang Bulaong terminal ang nagkanayon nga sa mga niaging adlaw nagpahigayon matud pa sila og panagpulong alang sa security plan ug ang pag deploy sa ilang mga sakop sa mga pampublikong lugar.
Naghinaut ang kapulisan nga makig-alayon ang katawhan alang sa pagpahugot sa kahapsay ug seguridad sa GenSan panahon sa kwaresma. I MJ Fernandez
