Sa interview sang Brigada News FM kay Mr. Joeffrey Espiritu, tagpamaba sang DOH-Capiz, ginpahayag sini nga sumugod Enero 1 tubtob Marso 18, 2023, nagsaka sang 187.50% ang nabalhag nga kaso sang leptospirosis kun ikumparar sa walo ka mga kaso sa kapareho nga mga period sang tuig 2022.
Nagsaka na sa lima ang napatay bangud sang leptospirosis nga isa ka sahi sang inpeksyon nga makuha sa higko kag ihi sang sapat nga may impeksyon kasubong sang ilaga kag iban pa.
Ang nasambit nga balatian ang posible makuha kun masami nga naga-ubog sa tubig baha nga kontaminado bangud sa ihi ang ilaga kag iban nga sahi sang sapat.
Madasig nga maglaton ang inpeksyon sa lawas, ilabi na kon may pilas ang isa ka indibidwal nga mahimo magresulta sang kamatayon kun indi gilayon mahatagan sang nagakaigo nga pagbulong.
Ang nga inpeksyon mahimo makaguba sang kidney, baga, atay kag iban pa nga organs.
