NAKATULO ang luha sa usa ka senior citizen human nga nakadawat og libre nga mga gulay ug grocery items sa Community Outreach nga gihimo sa Bula Police Station sa pagpanguna ni PCapt Ari Noel Cardos ug mga kaubanan.
Sumala kay Adelina Mercadan, 65-anyos wala na siyay trabaho kay tigulang na may sakit pa ang iyang bana unya siyam ang ilang mga apo nga nagpuyo sa ilang balay.
Gumikan sa nadawat nga ayuda gikan sa kapulisan nanghinaut kini nga magpadayon ang serbisyo nga ginahimo sa otoridad ug hatagan sila ug maayo nga panglawas.
Kahibaluan nga luwas sa mga gulay ug grocery items nanghatag usab og mga piso sa manok ang Bula PNP alang sa mga drivers ug force multipliers.
Sumala kay Cardos nga nagapasalamat sila kay gitambungan mismo sa bag-ong City PNP Director nga si P/Col Nicomedes Olaivar ang ilang programa unya gisuportahan sa mga LGU Officials ug pribado nga sektor. I Ver Diazon
