Matapos ang limang dekada muling nasungkit ng Milwaukee Bucks ang NBA Championship matapos talunin ang Phoenix Suns sa Game 6 ng kanilang final series.
Sa pangunguna ni 2-time MVP Giannis Antetokounmpo na kumamada ng 50-points hindi na pinagbigyan ng Bucks na makabalik ang Suns para maipilit ang do-or-die game.
Naging susi sa panalo ng Milwaukee ang mahigpit na depensa nito sa mga star players Phoenix na sina Devin Booker na nagtala ng 19 points at Chris Paul na may 26 puntos.
Tinanghal naman bilang finals MVP si ‘The Greek Freak’ Antetokounmpo.
Bago ang kampeonato ngayong taon huling nakuha ng Bucks ang titulo noong 1971 sa pangunguna nina NBA legends Kareem Abdul-Jabbar at Oscar Robertson.
