GITANGTANG na sa Rajah Buayan Transport Cooperative ang ilang tarpaulin sa Libreng Sakay nga programa sa Land Transporatation Franchising and Regualtory board kun LTFRB human nakadawat og pahibalo nga nahuman na ang ilang kontrata.
Sa kumpermasyon ni RBTC Chairman Larry Villegas ilaha na nga gitanggal ang tarpaulin sa libreng sakay kay gipahibalo na sila nga mahuman ang kontrata, Hunyo 30 sa kasamtangan nga tuig, giapas usab nila ang pag- submit sa ilang record ngadto sa LTFRB gumikan Hunyo 30 usab ang lugway bag-o mag alas 12 sa udto.
Tungod niini gikumperma ni Villegas nga katong nagasakay gikan sa Buayan downtown ug Apopong vice versa aduna nay bayad kay nibalik na sa normal ang ilang pamasada.
Ang komento lang ni Velligas sa programa nga libreng sakay, natagam sila sa ilang bahin kay langay kayo ang pagbayad sa ilang agi, susama usab sa kasinatian sa uban nilang kaubanan sa Piston sa ubang lugar, mao nga naga duha duha na sila kon subling moapil sa sunod nga programa sa LTFRB. Kahibaluan nga una na nga gikumperma sa Regional Director sa LTFRB Renato Padua nga nalangay gayod ang bayad sa libreng sakay tungod sa mga proseso.
