NAKAULI na sa Barangay Bula, General Santos City ang boksidor nga nakasungkit og bronze medal sa Asian Youth and Junior Boxing Championship sa Astana, Kazakhstan.
Si John Paul Napoles, 17-anyos gikan sa Bula nakuha sa Philippine Team ug nakadula sa AIBA Youth Boxing Championship, World Youth Boxing Championship sa Spain ug ang Asian Youth and Junior Boxing Championship.
Sumala kay John Paul nga dili sayon ang iyang gi agihan ayha na diskubrihan ug nakuha sa Philippine Team, una niya nga napildi ang Mongolian boxer ug ikaduha ang Thai boxer unya napildi siya sa puntos batok sa Turk boxer.
Gumikan sa kalampusan daku ang kalipay ni John Paul ug nagapasalamat kini sa Ginoo ug sa iyang pamilya nga nagasuporta kaniya.
Handom usab daw niini nga mahimong professional boxer ug mahimo nga world champion. I Ver Diazon
