Starlite Ferries Inc. nga kanunayng nagpaluyo sa Brigadahan 1 Tahanan sa Brigada News FM Cebu nagserbisyo na sa Cebu-Tagbilaran-Larena-Oroquieta ug vice versa nga rota sugod kagahapong adlawa, Abril 29, 2024.
Gipahigayon ang launching sa bag-ong rota didto sa Pantalan sa Oroquieta nga gitambungan mismo nila Oroquieta Mayor Limuel Acosta ug Misamis Occidental Gov. Henry Oaminal.
Nasayran nga gatusan na sa mga kabos nga mga ka-brigada nga nanginahanglan og tabang pinaagi sa Brigada News FM Cebu nga gitabangan sa Starlite Ferries nga makapauli sa Mindanao via Dapitan, Nasipit ug Surigao nga makasakay nga libre.
Ang President ug CEO sa Starlite Ferries nga si Chryss Alfonsus V. Damuy mibutyag nga gitubag sa Starlite Ferries ang hangyo sa kadaghanan ug mihimo kini og inisyatiba sa pagbutang og balik sa Cebu-Oroquieta ug vice versa nga rota nga kataposang giserbisyuhan niadtong 2017 sa laing Shipping Company.
Makahatag kini og dugang mga kapilian ug dugang kapasidad sa mga pasahero ug mga cargo shippers nga mobiyahe gikan sa Bohol paingon sa Siquijor ug vice versa.
Gibutyag usab ni Gov. Acosta nga kining bag-ong rota mahimong maghatag og bag-ong koneksyon tali sa Probinsya sa Siquijor ug Probinsya sa Misamis Occidental pinaagi sa Oroquieta.
Ang Starlite Ferries Inc. usa sa mga tatak sa pasahero ubos sa Chelsea Logistics Group.//