Misaka na sa kapin 3 milyones pesos matag bulan ang Kita sa Land Transportation Satellite Office kon LTO dinhi sa Lungsod sa Trento Agusan del sur. Kini ang gipagawas nga pahayag ni Supervising Transportation Regulation Officer Greg Patrick Pabelonio ang Hepe sa nasangpit nga Buhatan.
Sumala pa niini nga dako ug kalahian ang ilang kita kaniadto kung ikompara sa milabay nga mga bulan human nga ilang gipakusgan ang halos matag adlaw nga pag pahigayon ug Check Point diha sa kadalanan.
Dugang pa ni Pabelonio nga pabor para sa mga indibidwal gikan sa laing Lungsod sa pag renew sa ilang mga tagsa tagsa ka mga Rehistro ingon man ang mga indibidwal nga mo Lukat ug Lisensya.
Tungod niini mapasalamaton usab ang maong Opisyal tungod sa pag sanong sa mga katawhan pinaagi sa pag sunod kanunay sa gipatumang kamanduan sa maong Buhatan.
-END-