Reymund Titong
(This is based on interviews conducted by Brigada News FM-Kabankalan. Although four vice mayoral aspirants filed their COCs, we only have on-record interviews with two aspirants, which explains why this article focuses solely on assessing the political plans of two parties.)
KABANKALAN CITY, Negros Occidental — Sa pagtakop sang filing sang certificate of candidacy (COC) sang Oktubre 8, aton binag-binagon ang plano sang duwa ka dalagko nga pangalan nga magapadalagan bilang bise alkade sa syudad sang Kabankalan para sa 2025 local elections.
Una nga nag-file sang ila COCs sang Oktubre 5 ang kompleto nga linyada sang Zayco, lakip na diri si incumbent Vice Mayor Miguel Zayco.
Sa interview sang Brigada News FM-Kabankalan kay Zayco, ang iya reelection bid para sa 2025 local elections, amo ang iya ikaduha nga termino bilang bise alkalde, matapos sang duha man ka termino nga pagserbi bilang konsehal sang syudad.
Kag para sa iya, ang Zayco-Zayco tandem ang ginalakipan sang nagkalain-lain nga indibiwal ang iya gina-konsiderar nga ‘seasoned’ ukon experyensyado sa ila tagsa ka mga sektor nga gina-representa.
“Our goal has never changed, gusto naton ang Kabankalanon mag asenso kag mag-progreso ang ila pangabuhi. Indi lang hambal namon, kun di tuod-tuod nga ang ila pangabuhi mangin maayohan, ang ila kabataan mangin propesyonal, ang ila kinahanglanon makita nila nga ang aton projects mabatyagan nila,” pahayag ni Zayco.
- For the first time, Alvarez nagsulod sa politika sang Kabankalan
- COMELEC, e-monitor ang mga online campaign platforms sang kandidato sa 2025 elections
- 3 big Cs ni Kabankalan SP aspirant Mark Fabale: Credentials, Capacity, Credibility
“Naka-agi ko lain-lain nga administration, kag sa akon yah personal nga paglantaw, nakita ko nga under sa administrasyon sang Zayco, didto ya ang mga proyekto nga nagakadapat sa mga pumuluyo,” dugang pang sang bise alkalde.
Sa piyak nga bahin, suno sa interview sang Brigada kay political newcomer kag vice mayoral aspirant Divina Gracia Miranda sang Oktubre 8, ang iya pagpapili sa pwesto ang bangud sa iya man handum nga mag-serbisyo kag mabuligan ang iya bana nga si incumbent mayor and reelectionist Benjie Miranda.
“Gusto ko nga adbokasiya nga ang kabataan, tagaan naton sang good and quality education. We should keep our children in school, dapat wala sang mga bata nga wala naga eskwela at school age,” pahayag niya.
“Bilang babaye, may adbokasiya man ako nga gusto ko ang mga babaye mangin tingog man. I want to empower women, expecially ang mga iloy sang panimalay nga at least, some how mahatagan man sila livelihood,” dugang pa niya.
Aminado man si Miranda nga damo nga pagpanghangkat nga iya na-experyensiyahan kag maga-experyensyahan, bilang indibidwal nga maga-papili sa ika duwa nga mataas nga posisyon sa syudad.
“This is far from what I have learned sang college ako. People would question how am I capable of this position, pero siling ko ang importante lang man siguro is that you have a good heart,” suno kay Miranda. -BNFM Kabankalan
