Nagpost sa andang social media ro Barangay Council it Jawili sa banwa it Tangalan, Aklan nga naga apela sa publiko eabi eon ro mga naga pamasyar sa lugar nga maging responsable sa pagpilak it basura.
Raya hay matapos nga maglimpyo ro barangay council it maabung basura nga nakakalat eang sa nasambit nga area.
Pila sa mga basura nga andang nabuoe hay halin sa mga fast food nga dala it mga dayo, sanitary napkins, used condoms ag pregnancy test kit ag maabu pang iba nga basta eon lang ginkalat sa nasambit nga lugar.
Ro Jawili, Tangalan hay sambilog sa mga tourist destinations sa Aklan nga ginadayo it mga turista. / ANN DESLENE SALAZAR
