NAKALUGAR sa pagpaabot sa ilang concern ang kahugpongan sa KPS Foundation sa Barangay Labangal ngadto sa usa ka nagapapili sa umaabot nga piniliay ug usa niini ang pagduso sa Lara Bill.
Nobyembre 28 sa buntag nagkatapok ang mga miyembro sa KPS foundation, anaa usab ang mga miyembro sa Coalition Against Fake Titles kon Craft, Urban Poor Group ug ang mga dinapit nga mga bisita sa usaka gymnasium sa Barangay Labangal.
Gipaabot ni Boy Olarte ang mga papelis nga ang sulod mao ang ilang mga nag-unang agenda sa grupo ug sama sa isyu sa mga peke nga titulo sa kayutaan sa Gensan, ang pagduso sa Lara Bill ug uban pa nga mga agenda.
Gusto ni Olarte nga sa mosunod nga Senado mapadayon ang imbestigasyon sa gi-alegar nga fake titles kay sa karon wala daw napadayon ug ang ubang rason natabunan sa ubang mga dagko usab nga mga isyu.
Nagatuo si Olarte nga kon ma-aprubahan ang Lara Bill molambo ang patikang sa pagproseso sa mga titulo kay usa nalang ka opisina ang mag- asikaso, unya molambo ang syudad kay mosulod na ang mga investors.
Nagatuo si Olarte nganong nabiyaan ang Gensan gumikan sa mga problema sa land ownership mao nga nagaalanganin ang mga investors sa pagsulod sa syudad mao nga gipili ang mga silingan nga lugar. ( Ver Diazon)
