Nagpwestu ro isla it Boracay bilang 3rd Top Island in Asia base sa Conde Nast Traveler Reader’s Choice Awards 2023.
Sa dag on ngara it Conde Nast Traveler Top 10 Reader’s Choice Awards, tatlong well-known island destinations sa Pilipinas ro nakabatun it pagkilaea.
Ku Oktubre 5, gin anunsyo it Department of Tourism nga ro Boracay hay sa pangatlong pwestu samtang ro Palawan hay pang an-um ag ro Siargao hay pang 10 pwestu.
Raya hay base sa mga readers halin sa ibang mga nasyun it nasambit nga luxury and lifestyle travel magazine.
Nasayuran nga haeos katunga sa milyon nga indibidwal ro na-survey para makumpleto ro ranking.
Bilang 3rd spot in Asia, ro Boracay hay nag angkon it 90.74 points, samtang ro Palawan hay may 89.71 points ag ro Siargao hay may 87.37 points. // ANN DESLENE SALAZAR