KALIBO, AKLAN—Nagpaguwa it joint statement do Boracay Inter-Agency Task Force (BIATF) angot sa pagpasugot ni Pangoeong Rodrigo Duterte sa operasyon it casino sa isla it Boracay.
Suno sa BIATF, magapatigayon sanda it nagakaigo nga tikang kaangot sa nasambit nga pahayag it pangoeo kung siin ginpasiguro man nanda nga do operasyon it casino ag iba pang establishemento sa Boracay hay nagasunod sa ginapatuman it laye at do tanan nga ahensya it gobyerno hay padayon nga pagasundon do mandato agud nga masiguro do environmental sustainability it isla.
Nagpadumdom man do task force sa tanan nga negosyante sa Boracay nga magsunod sa mga requirements ag accreditation process bangud nga do mga compliant eamang do pagataw-an it nagakaigo nga permiso.
Samtang, suno man sa LGU Malay, owa pa sanda it nabaton nga nag-apply it building permit sa igapatindog nga casino ukon permit para makapag-operate. // SHERRY ANNE REUNIR-VIDAL
