LEGAZPI CITY – Nagin matrayumpo an ikinondusir na bloodletting activity kan Civil Service Commission (CSC) Bicol katakod kan pagseselebrar kan 123rd Philippine Civil Service Anniversary na ikinondusir sa Department of Public Works and Highways (DPWH) Regional Site Center sa Brgy. Rawis, syudad nin Legazpi.
Sa intrevista kan Brigada News FM Legazpi kay CSC Bicol Regional Director Daisy Punzalan-Bragais, sinabi kaini na an mga empleyado kan gobyerno igwa man nin responsibilidad sa komunidad siring kan pagtataong dugo sa mga nangangaipo.
Dakulang tabang su boot an makapagtao nin dugo huli ta mapapahalaba kaini an buhay kan sarong pasyenteng nangangaipo.
Target kan opisina an labi 100 na blood donors gikan sa manlain-laing ahensya de gobyerno.
