Nag-angkon it trauma ru sangka Grade 4 pupil it Libang Elementary School sa Brgy. Libang, Makato, Aklan matapos eambangan it sangka uwa makilaeang suspek.
Natabo ru insidente sa boundary it nasambit nga lugar ag Brgy.Cayangwan, Makato, Aklan ko nagtaliwan nga adlaw.
Sa interview it BRIGADA News FM Kalibo sa kuya it biktima, 3 sandang mag maeanghod ru naga sueonod nga naga baktas pauli sa andang panimaeay kat gulping gin eambangan it uwa makilaeang suspek ru biktima nga pina ka uli sa pagtikang.
Nagsinggit sigun ru biktima rasonnga hapan-uhan it kuya ag anang gin balikan ag nakita na nga gina puko ru baba ag gin sinikaran ru likod it biktima.
Nakitang naka suksok it bonit ru suspek, sangka eaeaki, naka suksok it staliko, naka shorts , naka stineles ag may daea nga mahabang baril.
Eagi nga naka paeagyo ru suspek sa lugar rason nga bahuoe it kuya ru suspek ag dayon dungan sanda nga nag daeaeagan pauli sa andang panimaeay.
Tuman ka kibot it mga ginikanan ko mga menor de edad dahil nag tinangis ag nag sugid sa natabo.
Insigida man nga nagreport sa Brgy. Kapitan it Libang ru tatay it biktima para sa nagakaigo nga disposition. //MARIVIC Y. ILIN
