Kadungan sang selebrasyon sang Sinadya 2023 pagabuksan sa publiko ang People’s Park sa Barangay Baybay subong man ang blessings sang pila ka mga redevelopment project sang Teodoro Arcenas Trade Center (TATC).
Sa facebook post ni Mayor Ronnie Dadivas, malipayon niya nga ginpakigbahin nga lakip man sa pagabuksan ang redevelopment project sa phase 3 sang Meat Section sa sulod sang merkado kag ang Bagsakan Center sang siyudad.
Katuyuan sang mga pagbag-o sa TATC agud maplastar kag panamion pagid ang palibot sang merkado subong man ang pagpaligwa sang meat section.//KMD Gicalde
