Nasa pitong bahay ang naging abo dahil sa sunog sa isang compound sa Brgy. San Isidro, Parañaque City.
Ayon sa Bureau of Fire Protection (BFP), 11 naman na pamilya – katumbas ng higit 50 inidibidwal ang naapektuhan ng sunog.
Umabot sa ikalawang alarma ang sunog bago naapula kahapon, alas 5:32 ng hapon.
Tinatayang nasa P45K ang halaga ng mga natupok na ari-arian.
Isa naman ang napaulat na nasaktan matapos magtamo ng second degree burn sa braso.
Sa ngayon, inaalam pa ng mga otoridad ang sanhi ng pagsiklab ng apoy.
