Sinampahan na ng reklamong tax evasion si dismissed Bamban mayor Alice Guo.
Nagtungo si Immigration Commissioner Romeo Lumagui Jr. sa tangapan ng Department of Justice (DOJ) para kasuhan si Guo, kabilang na si Jack Uy, ang buyer ng shares ng Baofu Land Development Inc.; at Rachelle Carreon, corporate secretary nito.
Sabi ni Lumagui, hindi raw nagbayad si Guo ng hanggang P500,000 na buwis nang ibenta niya ang kaniyang shares kay Uy.
Kabilang na dito ang capital gains tax, na ipinapataw sa oras na may binenta kang stocks; at ang documentary stamp tax na buwis naman para sa iba’t ibang transaksyon gaya ng pagbebenta, ‘o pagta-transfer ng shares.
Kung maaalala – kahapon lang nang hatulan na ring guilty ng Office of the Ombudsman si Guo dahilan para ipag-utos nila ang dismissal sa kaniya.
Isinilbi na rin ng COMELEC ang subpoena sa opisina ni Guo para naman paharapin siya sa misrepresentation case.
#
