DAKPAN sa nagkahiusang pwersa sa kapulisan ang usa ka vendor dungan sa pagsilbi sa warrant of arrest sa kasong lugos.
Giila sa rekord sa GenSan City Police Office (GSCPO) ang dinakpan nga usa ka alyas Allan, 42-anyos, nagpuyo sa Barangay Labangal.
Alas-2:34 sa hapon gahapon, gidakop sa mga pulis si alyas Allan pagpatuman sa warrant of arrest.
Si alyas Allan ang gikonsidera usab sa kapulisan nga top 3 most wanted person city level ug most wanted person regional level.
Dugang sa impormasyon, wala kapalag pa ang dinakpan dihang gidakop ug gibasahan sa iyang katungod ilawom sa balaud.
Sa ulahing pamahayag ni Police Col. Nicomedes Olaivar Jr., director sa GSCPO gipakusgan nila ang kampanya alang sa pagpangeta sa mga personalidad nga gipangeta sa balaud.
Usa usab kini ka lakang butyag niini aron batukan ang kriminalidad sa siyudad. I Richel Gubalani
