Gitugutan na ni Mayor Sara Duterte Duterte-Carpio ang pagpahigayon ug face to face events diha sa mga barangays, local ug national governments offices sa Davao City.
Gianunsyo usab ni Mayor Inday, pinaagi sa iyang facebook page nga mamahimo nang mo serve ngadto sa publiko ug liquor ang mga business establishments sama sa bars,videoke, hotels ug restaurants.
Apan nagpabiling gidili ang pag inom ug makahubog nga bino sa publikong mga lugar sama sa parke, kalsada, alleys, kilid kilid, pathways, iskinita bisag walay covid 19 tungod matud sa mayor dili kini maoy saktong lugar aron mag inom.
Ang saktong venue alang niini mao lamang kadtong mga establisimento nga dunay permit gikan sa gobierno.
Iyang gipahinumduman ang tanan nga magpabiling magsul-ob ug facemask ug uban pang health protocols.
Sa mosunod mga adlaw, subling abrihan na usab ang Roxas Night Market, ug mosunod na usab ang tanang aktibidad nga gibawal atol sa pandemic. Tinguha nga mahibalik sa new normal ang tanan bisan anaa gihapon ang covid 19. BNFM-DAVAO
