Pumalo sa 95.3% o 47.70 milyon ang bilang ng mga pilipinong may trabaho na may edad labing lima pataas.
Ayon sa Philippine Statistics Authority – mas mataas ito ng 3.14 million kumpara sa naitala noong hulyo 2023 na 95.1% o 44.56 milyong pilipino na may trabaho.
Bahagya naman itong mababa kumpara noong April 2024 na umabot sa 96% o 48.36 milyong employed filipinos.
Samantala, ayon sa PSA, ang bilang naman ng unemployed o ang pilipinong walang trabaho o negosyo nitong July 2024 ay umabot sa 4.7 % o 2.38 milyong Pilipino.
Mas mataas ito kumpara noong July 2023 na may 4.9 percent o 2.29 milyong pilipino na unemployed.
Mas mataas din kung ikukumpara nitong April 2024 na 4% o 2.04 milyong pilipinong walang trabaho.
Samantala, ngayong July 2024, ang mga kalalakihan ang may mataas na employment rate na umabot sa 95.6% kumpara sa mga kababaihan na 94.8%.
Sa usapin naman ng employment rate nitong July 2024, ang Cordillera Administrative Region ang nakapagtala ng pinakamataas na employment rate na nasa 97.7%, habang ang National Capital Region ang may pinakamababang employment rate na nasa 93.5 %.
