Pumalo na sa 370 Pilipino ang natulungan ng gobyerno sa Ukraine sa gitna ng Russian invasion.
Ayon kay Foreign Affairs Undersecretary for Migrant Workers’ Affairs Sarah Lou Arriola na tinatayang nasa 286 na Pilipino ang sumailalim sa repatriation, habang nasa 84 Pilipino ang nakalikas na o nasa labas na ng Ukraine.
Inihayag rin ni Arriola nitong Martes na inasahan nila ang pag-uwi ng 24 na Pilipino sa nasabing araw.
Samantala, umapela naman ang Pilipinas na agad matigil ang karahasan at nanawagan sa lahat ng mga sangkot na partido na bumuo na ng peace accord.
