Umakyat na sa normal traffic na 5,000 kada araw ang bilang ng mga pasaherong gumagamit ng Parañaque Integrated Terminal Exchange (PITX) limang araw bago ang Kapaskuhan.
Ayon sa awtoridad, nitong nakaraang December 15 ay nakapagtala sila ng mahigit 114,000 na pasahero sa PITX at lumobo naman din ito agad sa 135,000 pagtapak ng December 16.
Kaugnay nito, inaasahan nilang aabot sa 2.6 milyon ang gagamit nito ngayong holiday season.
Samantala, patuloy naman ding pinaalalahan ng management ng PITX ang ang publiko na siguraduhing sa official website lang nila mag-book upang hindi mabiktima ng anumang panloloko o pagnanakaw.
