Umakyat na sa 78 ang bilang ng mga namatay sa Rio Grande do Sul ng Brazil matapos makaranas ng malalakas na ulan at nagdulot ng malawakang pagbaha.
Maari pa itong dumami sa mga susunod na araw dahil sa ngayon, 105 pang katao ang naiulat na nawawala, ayon sa state civil defense authority.
Nakaapekto ito sa halos 500 lungsod, na nagresulta sa kawalan ng tirahan sa mahigit 115,000 indibidwal.
Dumating si President Luiz Inacio Lula da Silva sa Rio Grande do Sul sa nasabing estado, kasama ang karamihan sa mga miyembro ng kanyang gabinete upang talakayin ang mga pagsisikap sa pagsagip at muling pagbangon sa mga lokal na awtoridad.
#
