Ginlatag eun itmga local government sa bieog nga Western Visayas ro mga guidelines ag tikang para sa kaeuwasan it tanan kuntra sa linog, bagyo, ag iban pa nga mga kalamidad, base raya sa Office of Civil Defense (OCD) 6.
Ro Western Visayas hay nakiparte sa nationwide simultaneous earthquake drills, naghiwat it capacity-building training, ag may mga nakapahaom eun nga mga “response assets” ag 12 regional evacuation center sa mga lugar sa bieog nga rehiyon.
May una man nga naga-iral eun nga mekanismo sa pagsabat sa patay-og kapareho eun eamang it Emergency Operation Center ag Incident Management Team agud pamunuan ro sitwasyon.
Angot man sa kapasidad it mga istruktura kuntra sa pagtay-og, nagpaguwa eun it mga memoranda ro OCD 6 nga nagamandu sa mga lokal nga gobyerno nga maghiwat it “integrity assessment” it mga edepisyo sa andang mga lugar.
Base sa taeatapan, dapat may nasayran ro publiko sa mga kalamidad agud masiguro ro andang kaeuwasan angot dikara./JIL B. LACSON
