Inihayag ni Bureau of Immigration Commissioner Norman Tansingco na nababahala siya sa kamakailang kalakaran ng mga menor de edad na dayuhan na kumukuha ng mga pekeng foreign passport.
Ito ay matapos maharang sa Ninoy Aquino Internation Airport ang tatlong batang Vietnamese na nagprisinta ng ilegal nilang nakuha na German passports.
Ayon kay Tansingco, maaaring ito ay isang kaso ng trafficking ng mga menor de edad upang iligal na makapasok sa ibang bansa.
Dahil dito, inalerto na ng opsiyal ang mga immigration officer sa lahat ng paliparan tungkol sa umuusbong na modus na ito.
