ANAA na sa 80 porsyento ang na-release sa allowances sa mga bBarangay Health Workers as of September 29 sa kasamtangan nga tuig.
Sa kumpermasyon sa Assistant Department Head sa City Treasurers Office nga si Zenaida Eturma, 80 Percent na ang na-release gikan sa 667 ka mga BHW’s samtang 113 ang wala pa nakadawat ug 50 ka indibidwal nga wala pa nakakuha subay sa ilang gitakdang schedule nga gipasunod basi sa ilang mga pangalan.
Gi-anunsyo ni Eturma nga ang wala pa nakakuha nga 50 ka mga tawo hatagan og higayon sa adlaw nga Huwebis ug Biyernes aron madawat ang ilang allowances, kon dili makuha sa Biyernes mosirado ang pag cash advance sa Treasurer’s Office sa adlaw nga Lunes ug lain na usab ang asikasuhon sa Cash Division, kon may ma-ulahi sa wala matino nga rason magpa-voucher nalang usab.
Gipaklaro ni Eturma nga tag usa ka gatus lang ang ilang gi-schedule matag adlaw sa usa ka semana aron nga masunod ang social distancing. ( Ever Diazon)
