LEGAZPI CITY – Tinawan-doon kan Bureau of Fire Protection (BFP) Legazpi dapit sa mga paputok na pigbabawal na itinda katakod kan paparaning Pasko asin Bagong Taon.
Sa intrevista kan Brigada News FM Legazpi kay Fire Chief Inspector Marc Allan Consuegra, pigsaro-saro niya an mga paputok na pigbabawal kan mga otoridad kun sain kaibahan digdi an Piccolo, Super Lolo, Whistle Bomb, Atomic Big, Triangulo, Judas Belt asin Watusi.
Segun kay Consuegra, dai na ninda pagbaraluon na magtinda kan mga nasambit na paputok huli ta pag nadakop an siisay man na nagbabalgar, sainda ining kukumpiskaron asin tatangkasan nin permit.
Apwera kaini, pwedesir pa sindang masangatan nin maninigong kaso huli ta susog ini sa ley.
Sinabi pa ni Consuegra, amay na nindang pinagiromdoman an mga ini na dai magtinda kan mga pigbabawal na paputok puon pa kan pagkua ninda nin permit.
