LEGAZPI CITY – Nagkondusir an Bureau of Fire Protection (BFP) Daraga nin fire safety seminar asin fire drill sa Kidaco Elementary School pati man sa Bongalon Elementary School.
An aktibidad na ini nasa irarom kan nagpapadagos na Arangkada Banwa Caravan (ABC) program na may obhetong makapagtao nin kaaraman dapit sa kun ano an mga dapat asin dai dapat gibuhon pag nagkakaigwa nin mga kasulo o iba pang mga emerhensya.
Kabale sa mga nagpartisipar sa aktibidad an mga estudyante, paratukdo, asin iba pang personahes kan ekwelahan.
Mientrastanto, nagtao man nin leaflets sa mga partisipantes dapit sa tips o mga dapat isagibo sa manlaen-laeng sitwasyon.
