Naniniwala ang actor-model na si Ricardo Cepeda na mapatutunayan niyang inosente siya sa patong-patong na kasong estafe na isinampa laban sa kanya.
Iginigiit ng nakakulong na batikang aktor na modelo lamang siya ng inirereklamong kompanya ng isang energy-saving gadgets at wala siyang kinalaman sa operasyon nito.
Kasalukuyan naman inaalam ng Quezon City Police District (QCPD) ang kabuuang halaga ng inirereklamo ng mahigit 40 katao laban kay Cepeda na inaresto sa kasong syndicated estafa.
Hindi naman binigyan ng pagkakataon na makapagpyansa ang aktor na umaasang mapapawalang-sala at muling makababalik sa showbiz industry.
