BCPO Director nagmando sa pag dispatch sang mga operatiba sang BCPO sa pagkilala kag pag aresto sa nagpatay kay Police Staff Sergeant Joseph Nepumuceno.

Sa sulat nga ginpagwa sang talatapan ni Police Major Sherlock Gabana, chief sang Public Information Office sang Bacolod City Police Office nga isa si Nepomuceno sa dedikado nga myembro sang City Drug Enforcement Unit nga nangin instrumento sa pag ka arestar sang mga High Valu Targets, Drug peddlers kag drug users sa Bacolod.

Ginpadangat man sini nga may mando na halin sa PNP Regional Office 6 sa city director sang Bacolod agod sa himuon ang tanan sa pagdakup sang pertpetrator kag para sa hustiya sa ginakabig ‘BCPO fallen Operative’.

Agosto 29, alas 5:15 sang hapon nagluntad ang shooting incident sa Rosario St., Brgy. 15 kon sa diin ang biktima amo si PSSG Joseph Nepomuceno, 37 anyos, assigned sa CDEU sang BCPO nga ginluthang sang wala makil an nga suspetsado sakay sa single mga motorsiklo.

Nag agom sang nagkalain lain nga igo sa lawas si Nepomuceno kag gindeklarar ‘dead on the spot’ sang Corazon Locsin Montelibano  Memorial Regional  Hospital

BNFM Bacolod