SORSOGON CITY – Magiging unang destinasyon ngayong araw, ng sea ambulance ang Brgy Sua sa bayan ng Matnog, Sorsogon.
Sa pahayag sa Brigada News ng Asst Head ng SPDRRMO na si Pierre Dellosa, sinabi nito na magagamit na ang bagong asset ng Pamahalaang Panlalawigan na sea ambulance.
Aniya, magiging lulan nito ang 11 personahe papuntang Brgy Sua para magsagawa ng pagbabakuna.
Ang sea ambulance ay kumpleto sa kagamitang medikal para sa pangangailangan at emerhensiya sa mga coastal barangay ng lalawigan.
Magsisilbi din itong karagdagang reinforcement para makamit ng lalawigan ang target nitong mahigit 50K na mamamayan na mabakunahan.
Ayon sa 2020 Census, ang Brgy Sua ay may populasyon na 1,364. Ito ay kumakatawan sa 3.25% ng kabuuang populasyon ng Matnog.
PHOTO: SPIO
