KABANKALAN CITY, Negros Occidental — Dugang nga duwa ka barangay sa dakbanwa sang Kabankalan ang gindeklarar nga ‘drug-cleared’ sang Department of the Interior and Local Government (DILG) sang tinalikdan nga Setyembre 26.
Ang deklarasyon ginhiwat pagkatapos sang serye nga deliberasyon sang Regional Oversight Committee sang DILG.
Ang duha ka barangay amo ang Camingawan kag Orong, nga natigayon nga na-deklarar nga drug free sa idalum sang Barangay Drug Clearing Program sang gobyerno.
Ang Barangay Drug Clearing Program nagatuyo nga suportahan kag palig-onon ang mga lokal nga panguluhan sa ila gina-atubang nga problema sa illegal nga druga kag krimen nga may kaangtanan man sa druga.
Ang programa ang nagahatag sang teknikal nga bulig, pagpabaskog sang kapasidad, kag iban pa klase nga suporta sa mga barangay nga nagapanikasug nga mangin drug-cleared.
Ang ‘drug-cleared’ barangays, amo ang mga lugar nga anay apektado sang talamak nga aktbidad sang illegal nga druga, nga ginpaidalum sa drug clearing operations sang mga otoridad base sa pagsulondan sang Dangerous Drugs Board (DDB).
Madumduman nga sang tinalikdan nga Hulyo 31, gin-deklarar man sang mga otoridad nga drug-cleared ang Barangay Camugao, sa nasambit nga syudad. -BNFM Kabankalan
