KABANKALAN CITY, Negros Occidental — Ginabulubanta masobra 4,000 ka mga estudyante gikan sa Quinto Distrito sang Negros Occidental ang nakabaton sang tag-P3,000 mil nga educational aid sa syudad sang Himamaylan sang Setyembre 28.
Para kay Crystal Grijaldo sang banwa sang Hinigaran nga naga-eskwela sa Central Philippines State University (CPSU) main campus, ang iya nabaton nga ayuda gikan sa gobyerno ang dako nga bulig sa iya nga pag-eskwela ilabi na nga isa sya ka graduating student sa kurso nga Agriculture.
“Ini ang magamit namon bayad sa thesis, boarding house, pagkaon, kag iban pa nga mga butang nga importante sa amon nga pag-eskwela,” pahayag ni Grijaldo.
Ini ang una pa lang nga batch sang masobra 10,000 ka mga estudyante sa palibot sang ikalima nga distrito. Ang una nga batch ang nag-gikan sa mga banwa sang Hinigaran, Binalbagan, kag syudad sang Himamaylan.
Yara sa okasyon sanday Uswag Ilonggo Representative Jojo Ang, 5th district representative Dino Yulo, Himamaylan mayor Rogelio Raymundo Tongson, Jr., kag iban pa nga mga katapo sang Department of Social Welfare and Development (DSWD). -BNFM Kabankalan
