Nakaeakip ro barangay Poblacion Kalibo, Aklan sa Top 5 barangay grand winners sa Bayanivation 2.0: Barangay Innovation Challenge it Department of Interior and Local Government (DILG).
Halin sa masobra 220 ka mga barangay nga nag-intra sa bilog nga nasyun, maswerte nga nakasueod ro entry ordinance it barangay Poblacion, Kalibo nga “Establishing a barangay-wide emergency responders volunteer program to ensure efficient and fast response in saving lives of fellow residents, “Purok Emergency Responders” sa nasambitan nga programa.
Ro pagtukod it purok responder system hay ginpatuman agud mataw-an it sabat ro kinahangeanon it publiko sa oras it emergency, kalamidad o anuman nga insidente sa nasambitan nga barangay./JIL B. LACSON
