-Daina Gerona
KABANKALAN CITY, Negros Occidental — Ginbuno-pilason ang isa ka Barangay Kagawad sa Reclamation Area, Brgy., sa banwa sang Hinigaran, tinalikdan nga gab-e.
Ginkilala ang biktima sa kay Dan Diaresco, 35-anyos ang edad, barangay kagawad, may ka live-in partner kag residente sang RC Laptapon, Brgy. 4 sang nasambit nga banwa.
Ginkilala naman ang suspek sa kay Ping Ping Toledo alyas “Lover”, manugbaligya sang isda, kag residente sang Reclamation Area, Brgy. sa amo man nga banwa.
Sa inisyal nga impormasyon nga nakuha sang Brigada Kabankalan, nga samtang naga-inom si Dan kaupod ang iya sini paka-isa nga si CJ Diaresco, hinali lang nga ginsumbag kag ginbuno ni Lover si Dan kag gilayon ini nga nagpalagyo sa wala mahibaluan nga diresyon.
Naka-angkon naman sang pilas sa dughan si Dan kag gilayon ini nga gindala sa hospital para sa nagaka-igo nga atensyun medikal.
Sa pinaka-latest nga update, yara na sa etable nga kondisyon ang kagawad, samtang nagapadayon pa ang pursuit operation snag mga kapulisan batok sa suspetsado.*