By Reymund Titong
(1st Update) KABANKALAN CITY, Negros Occidental — Agud mangin handa ang mga pumuluyo sa pagsulod sang tig-ululan sa tuig 2024, nagpatigayon sang pagpanalawsaw ang Brigada News FM-Kabankalan, agud mahibaluan kun sa 32 nga barangay sang Kabankalan, diin ang posible nga may magluntad nga landslide.
Sa datus nga nakuha sang waragwagan, siyam sa 32 ka mga barangay ang ma-konsiderar nga ‘highly susceptible’ ukon may dako nga tyansa nga may magluntad nga landslide.
Ginpangunahan sang Carol-an, kag sin-sundan sang Orong, Oringao, Camingawan, Tan-awan, Tagukon, Locotan, Hilamonan, kag Camansi.
Sa bug-usan, 16.1% lamang sa mga barangay sang syudad ang indi maka experyensya sang landslide, samtang 54.6% naman ang “low susceptible” ukon may magamay nga tyansa nga magka-landslide, 7.4% ang yara sa ‘moderately susceptible” nga kategorya kag 21.9% sang mga barangay ang yara sa “highly susceptible” nga kategorya ukon may mataas nga tsansa nga may magluntad nga pagtiphag sang duta.
Sa piyak nga bahin, wala naman bisan isa ka barangay ang na geotagged nga yara sa “very highly susceptable” sa landslide. *
Note: Ang ini nga datus ang base sa impormasyon nga nabalhag sa GeoRiskPH database gikan sa nagakalain-lain nga ahensya sang gobyerno nga nagabantay sa pagbaha, linog, kag iban pa.*
