Masobra 1,383 ka pamilya sa Barangay Dinginan, Roxas City ang nakabaton sang bugas gikan sa lokal nga gobyerno sa idalom sang administrasyon ni Mayor Ronnie Dadivas.
Dako ang pasalamat sang mga pumuluyo bangud makapiyan-piyan ini sa ila pang-adlaw adlaw nga pagkinahanglan.
Mahibaluan nga ang Bugas Para sa Taga-Roxas ang kabahin sang Food Security Program sang administrasyon ni Dadivas bilang tabang sa mga pumuluyo sa tunga sang kapigaduhon. | Ken Mark Gicalde
