Bukon eon it valid ru Barangay Certification bilang proof of residency sa pag parehistro para sa lokal ag national elections.
Suno kay COMELEC-Aklan spokesperson Crispin Raymund Gerardo sa BRIGADA News FM Kalibo, 2016 pa gin basura ru nasambit nga requirement nga dati eon nga gina patuman it nasambit nga taeatapan.
Kun matandaan, naging issue sa social media ru barangay certification nga gin issue it Barangay Poblacion Kalibo matapos mag request si Christopher Victoriano nga gusto kontang mag transfer it pag boto.
Nag-angkon it mainitan nga diskusyon sa tunga nanday Victoriano ag sangka empleyado it LGU-Kalibo nga si Mr. Bert Villanueva bangud sa barangay certification.
Ikara, kinuyot ru papel ni Villanueva nga gin kaugot man ni Victoriano rason nga uwa naka hingabot sa pag transfer sa COMELEC registration.//MARIVIC Y. ILIN
