Hinimok ng mga otoridad si suspended Bureau of Corrections (BuCor) director general Gerald Bantag at si BuCor deputy security officer Ricardo Zulueta na sumuko na, matapos maihain ang murder complaints laban sa kanila at sa iba pa, kaugnay sa pagpatay kay Percival “Percy Lapid” Mabasa, at sa umano’y middleman sa krimen.
Mababatid na pinangalanan si Bantag bilang “mastermind” na nagbigay ng utos para sa pagpatay kay Mabasa at sa umano’y middleman na si Cristito Palaña o kilalang si Jun Villamor.
Si Zulueta ang nagdala sa naturang kautusan sa mga tao na gumawa sa pagpatay.
Ayon kay Justice Secretary Jesus Crispin “Boying” Remulla, na kung talagang inosente ang mga ito, ay kakatigan sila ng batas, pero sakali namang guilty, ay kailangan nilang harapin ang kaso.
Sinabi ni Remulla, na si Zulueta ay nasa apat hanggang limang araw nang nagtatago. //MPT
