Patay ron kang makita ang lawas kang darwa ka mga persona nga nadura kag ginapasuni naanod sa suba kang Brgy. Lagdo, Sibalom katong Hulyo 18.
Ginkilala ang mga persona kanday Carmensita Dionato, 72-anyos kag Gerry Benedicto, 50-anyos kag lunsay mga residente kang Brgy. Lagdo, Sibalom.
Sa impormasyon, ginaburubanta las-6:00 kahapon kang aga, nakita ang bangkay ni Gerry Benedicto sa bahin kang Brgy. Bongbongan 2, Sibalom samtang si Carmensita Dionato naman ang nasapwan sa bahin kang Brgy. Bongbongan 1 ginabanta las- 9 kahapon kang aga.
Sandig sa inisyal nga imbestigasyon, las-4:00 sa hapon kang nagapauli ang darwa ka mga indibidwal nga naghalin sa taramnan kang sanda kadya ang naanod bangud man kang mabaskug nga bubu kang uran nga gintunaan kang pagbaha.
