Patay ru driver it motrosiklo matapos aksidenting mag banggaan ru SUV ag motorsiklo sa Brgy. Pook, Kalibo, Aklan.
Nakilaea ru biktima nga si Regie Aguirre, 36 anyos it Brgy. Mabilo New Washington, Aklan samtang, gina maneho ru kasubeang nga SUV ni Samuel Fabale, 48 anyos it Brgy. Bakhaw Sur, Kalibo, Aklan.
Base sa imbisitgasyon ni PCPL Paul Christian Alejandro, imbistigador it Kalibo MPS, halin sa Kalibo paadto sa New Washington ru motorsiklo kat matabo ru banggaan.
Naka angkon it patal nga lastro sa naga kasari-saring parte it kaeawasan ru driver it motorsiklo rason nga gin daea it MDRRM-Kalibo sa hospital apang gin deklara it doctor nga dead on arrival.
Kulong sa Kalibo MPS ru driver it SUV ag maga pangatubang it kasong Reckless Imprudence Resulting to Homicide ag Damage to Property.
Samtang, padayon pa ru follow up nga imbisitigasyon angot sa aksidente.//MARIVIC Y. ILIN
