NASULOD na sa selda sa kapulisan ang usa ka bana human madakpan tungod sa pagdunggab angol sa iyang kaugalingong asawa, Enero 1.
Giila sa Maitum Municipal Police Station ang dinakpan kang alyas Joe residente sa Purok Nangka, Brgy.Ticulab, Maitum, Sarangani Province.
Sa imbestigasyon sa kapulisan, selos matud pa ang motibo sa mister sa pagdunggab sa iyang asawa, nga karon nagapaalim pa sa ospital.
Pinaagi sa gilayung pag-aksyon ug paglusad og hot pursuit operation sa mga sakop sa Maitum MPS ilang nadakpan ang suspek nga nagataguan lang duol sa ilang barangay hall.
Sa karon, balhog na sa Maitum PNP ang suspek samtang gihulat pa ang tukmang aksyon gikan sa kabanay sa biktima.
