MISAKA og 15% ang kaso sa fireworks- related injuries nga natala sa Soccsksargen region, base sa ulahing datus sa Department of Health (DOH).
Nakarekord ang DOH-12 og kinatibuk-ang 31 ka kaso lakip na ang nasamad sa kamot human nabuthan og pabuto. Matud ni Jenny Ventura, Iwas Paptuok campaign focal person sa DOH-SarGen, sagad sa nakaangkon og injury ang outpatient.
Sa ihap sa kaso, 13 sa nabuthan ang migamit og legal nga pabuto sama sa kwitis samtang 18 ang migamit og illegal fireworks. Nag-unang gigamit nga pabuto mao ang boga (improvised cannon), 5-star, kwitis, piccolo, pla-pla, whistle bomb ug luces. Nakatala og labing taas nga kaso mao ang probinsiya sa South Cotabato nga dunay 20; siyam sa Cotabato; tag-usa sa Sarangani ug Sultan Kudarat samtang zero incident ang GenSan.
Samtang, mokabat sa P68, 280 ang nakumpiskang ismagol nga fireworks sa GenSan. Una nang, giawhag sa LGU ang publiko nga likayan ang paggamit og firecrackers aron masiguro ang luwas nga selebrasyon sa bag-ong tuig. I Richel Gubalani
